МАҲМУД РАЖАБ ТАҚДИРИ

Шуҳратжон АҲМАДЖОНОВ

КИРИШ СЎЗИ

Мен 2019 йил декабрда довюрак ватандошимиз блогер Нилуфар Оллошкурова (1987) атрофида бўлаётган тазйиқлар ҳақида таҳлилий мақола ёза бошладим. Шоир ва журналист Маҳмуд Ражаб оила аъзолари ва қариндошлари билан бирга Гурландан Тошкентга пиёда адолат юришини 2019 йил 22 сентябр куни бошлади. Нилуфар шу юришга қўшилиб уни интернетда видеолар билан ёритиб бора бошлади. Мен Нилуфар ҳақидаги таҳлилий мақолани ёзишим давомида Маҳмуд Ражаб тўғрисида маълумот беришимга тўғри келди. Лекин ушбу маълумот кўп экан ва у 10 бетдан ошди. Шу сабабли Маҳмуд Ражаб ҳақида алоҳида мақолани чоп этишга қарор қилдим.

“Маҳмуд Ражаб 1963 йил Хоразм вилоят Гурлан туманидаги Эшимжирон қишлоқ кенгашига қарашли Чолиш овулида туғилган. 1980 йилда Шанғи қишлоғидаги А. Қодирий номли ўрта мактабни тугаллаб, 1980-84 йилларда Бухоро давлат педагогика олийгоҳининг мусиқа куллиётида таҳсил олди. Олийгоҳни тамомлаб, ўзи ўқиган мактабда муаллимлик қилди. “Хоразм” нашриётида “Дард мавсуми”(1993), “Кўзлардаги кўзгу”(1999), “Ойкокил”(2010), рус тилида “Застенчивый месяц”(2010) шеърий китоблари, “Шанғи” (2005) рисоласи, “Сарагул” (2014) ҳикоялар тўплами босилиб чиққан. Шеър ва ҳикоялари республика матбуотида эълон қилинган. Ҳозирда (2017 йилда) “Ma’rifat” ва “Учитель Узбекистана” газеталарининг Хоразм вилоят мухбири бўлиб ишламоқда” [1]

“Ражабов Махмуд Каримович 1963 йил 1 октябр куни туғилган. У Хоразм вилояти Гурлан тумани “Бирлашган” қишлоғида яшайди” [2]

1. 2017 ЙИЛ 30 ДЕКАБР: СУРАТ ИКРОМОВНИНГ МУҲАММАД СОЛИҲНИ ВАТАНГА ҚАЙТАРИШНИ СЎРАБ ПРЕЗИДЕНТГА ЁЗГАН МУРОЖААТ ХАТИ

2018 йил 23 январь куни бир гуруҳ ўзбекистонликлар, жумладан Маҳмуд Ражаб мухолифат лидери Муҳаммад Солиҳни “ватанга қайтариш”ни сўраб президентга мурожаат хати ёзишди. Лекин улардан олдин ўзбекистонлик таниқли инсон ҳуқуқбони Сурат Икромов (1945) президент Шавкат Мирзиёев номига 2017 йил 30 декабр куни Мурожаатнома жўнатди ва унда ўзбек мухолифати йўлбошчисини Ватанга қайтаришни сўради ([3]-[4]-га қаранг). Менда ушбу Мурожаатнинг сайтда чоп этилган рус тилидаги варианти бор. Ўзбек тилидаги вариантини сайтларда топа олмадим. Балким у ўзбек тилига таржима қилинмагандур.

“Президенту Республики Узбекистан

Шавкату Миромоновичу Мирзиёеву.

ОБРАЩЕНИЕ

Уважаемый Шавкат Миромонович!

Последнее Ваше выступление стало знаменательным событием в жизни нашей страны.

Оно пробудило надежды даже у скептиков, коими являются правозащитники, типа меня.

Наш скептицизм прошёл жестокую школу тоталитарной системы, построенной Ислам Каримовым, покойным руководителем Узбекистана, который не исполнил ни единого своего обещания в области прав и свобод наших граждан. Хотя в начале своего правления он тоже казался вполне демократичным. Поэтому мы с самого начала относились очень осторожно к Вашим обещаниям. Но последнее Ваше выступление поколебало наш скепсис и я думаю, что теперь можно идти дальше в своих ожиданиях от Вас, от Президента нашей страны.

А именно: Мы уже ждём потепление отношения между властью и оппозицией.
Я имею в виду не кукольную “парламентскую оппозицию”, рожденную прошлым политическим режимом, а оппозицию подлинную, которая выросла в конце прошлого столетия в жесточайших условиях политических репрессий и государственного террора.

Она все ещё жива. Подавленная внутри страны, разрозненная и разбросанная по всему свету – но все ещё живая. Её заслуги перед нашим народом очевидны.

Понятие свободы слова стало реальностью именно появлением политической оппозиции, основы которой были заложены “Письмом в Политбюро” 56 -ти молодых поэтов и писателей, написанное в начале 1985 года. А “неформальные издания” оппозиции были первыми ласточками свободы печати в стране. 20 июня 1990 года, несмотря на малочисленность своей фракции, узбекская оппозиция добилась принятия Декларации Независимости Узбекистана в Верховном Совете Узбекистана и эта была самой крупной её победой. И тогда Верховный Совет Узбекистана был самым демократичным парламентом в центральной Азии именно благодаря узбекской оппозиции, её огромного влияния на политическую жизнь страны.

Все масштабные политические и общественные акции были организованы сначала под крылом Союза Писателей Узбекистана, потом Народного движения “Бирлик”, а потом Демократической партии “ЭРК”(“Воля”). И во всех этих организациях люди сплотились вокруг Мухаммада Салиха, известного поэта и публициста. Мухаммад Салих – знаковая фигура на политическом ландшафте последних тридцати лет.

Он начал свою политическую деятельность с написания “Письма в Политбюро” 56 – ти молодых литераторов, своеобразного протеста против антиузбекской политики Кремля. Письмо было написано в декабре 1984 года и в январе 1985 года оно было отправлено в Политбюро. Оно принесло широкую популярность молодым узбекским литераторам и впервые люди увидели силу Слова. После этого случая поэт Мухаммад Салих стал посвящать свое время исключительно публицистике: сохранение природы, экологии, демографические проблемы, демократизация общества, восстановление узбекского языка как государственного, идея независимости Узбекистана – все эти темы были озвучены им с очень высоких трибун, включая трибун Метрополии (Москвы).

После независимости Узбекистана Мухаммад Салих стал кандидатом в Президенты от партии “ЭРК” и в итоге сомнительного голосования он официально получил 12.7 процентов голосов от общего числа избирателей. Тем не менее, выборы показали не только достаточную политическую зрелость нашего общества, но и огромный потенциал узбекской оппозиции, которая в демократических условиях непременно победила бы коммунистическую номенклатуру, представленную на выборах Исламом Каримовым.

Это испугало Каримова и он разными ухищрениями выдавил из страны Мухаммад Салиха, лидера узбекской оппозиции. Но этого показалось мало, Салиха заочно осудили на 15.5 лет тюремного заключения за якобы взрывы 1999 года. И вот уже целых 25 лет Мухаммад Салих, патриот своей родины, человек, посвятивший лучшую часть своей жизни борьбе за свободу своего народа, скитается по миру с клеймом “предателя родины”. Пришло время восстановить справедливость. Пришло время собирать камни, несправедливо брошенные все эти годы в невинного человека.

Те, кто саботируют Ваши попытки либерализации общества с самого начала вашей деятельности, сегодня ожесточенно борются, чтобы не допустить сближения оппозиции и правительства в целях реформировать политический режим в Узбекистане. Они выдумали “новое дело” о некоем госперевороте “во главе” журналиста Бобомурада Абдуллаева, журналиста писавшего под псевдонимом “Усман Хакназаров”, чтобы очернить оппозицию и её лидера Мухаммада Салиха. Чтобы препятствовать дорогу его возвращения на родину. Последний выпад саботажников опубликован на сайте в https://vesti.uz/souchastnik-zhatvy-priznal-svoyu-vinu/

Эта публикация ярко демонстрирует то что, политический провал, который потерпела СНБ в подготовке “дела 16 февраля 1999 года” так и не стал уроком для неё. Весь мир знает сегодня, что это было провокацией подготовленной СНБ, чтобы напугать Ислама Каримова, тогдашнего руководителя республики. Теперь хотят повторить тот же сценарий!

Нельзя обманывать народ одним тем же способом! Тем более, сегодня, когда средства информации настолько сильны, что нельзя скрывать правду, как это могли делать в 99-годы.

Господин Президент!

Вам выпадает историческая миссия восстановить эту справедливость – вернуть лидера оппозиции, поэта и просто человека, на родину, которую он любит не меньше, чем мы с вами.

Убеждён, что возвращение Мухаммад Салиха означает возвращение имиджа Узбекистана демократического государства, который он имел в конце 80-х годов прошлого века.

Возвращение Мухаммада Салиха означает возвращение зарубежной инвестиции, которые покинули Узбекистан за последние 20 лет.

Наконец, возвращение Мухаммада Салиха означает начала национального консенсуса, национального единения во имя стабильности страны и её развития.

С уважением,

Сурат Икрамов
председатель Инициативной Группы Независимых Правозащитников Узбекистана

30.12.2017 г

E-mail: surat.i@rambler.ru , suratikramov@gmail.com” [3]

2. 2018 ЙИЛ 23 ЯНВАР: БИР ГУРУҲ ЎЗБЕКИСТОНЛИКЛАР МУҲАММАД СОЛИҲНИ ВАТАНГА ҚАЙТАРИШНИ СЎРАБ ПРЕЗИДЕНТГА ЁЗГАН МУРОЖААТ ХАТИ

“2018 йил 23 январь куни бир гуруҳ ўзбекистонликлар мухолифат лидери Муҳаммад Солиҳни “ватанга қайтариш”ни сўраб президентга мурожаат хати ёзишди.

“Энди биз қўрқмаймиз. Сиёсий йўлдан борамиз!” деди “Элтуз” нашрига интервью берган ташаббус иштирокчиларидан бири шоир Маҳмуд Ражаб.

26 шахс, жумладан, Маҳмуд Ражаб, Илҳом Алиев ва Аминбой Қодиров ташаббуси билан ёзилган мурожаатга фейсбук тармоғида имзо тўплаш давом этмоқда.

«Ҳақ-ҳуқуқлари поймол қилиниб, чет элларда қувғинда юрган ватандошларимизни, хусусан, мухолифат лидери, шоир Муҳаммад Солиҳ номини оқлаб, Ватанга қайтариш вақти аллақачон етди, деб ўйлаймиз», дейилади мурожаатда.

Дастлаб президент Шавкат Мирзиёевдан мухолифат лидери Муҳаммад Солиҳни ватанга қайтаришни сўраш ташаббусини 2017 йил 30 декабрь куни тошкентлик ҳуқуқ фаоли Суръат Икромов кўтариб чиққан эди.

Бундай чақириқ сабабини у “ҳар қандай давлатда мухолифат бўлиши кераклиги” билан изоҳлаган эди” [5]

“2018 йил 9 февраль куни бир гуруҳ таниқли ўзбек шоир¸ ëзувчи ва адабиëтшуносларининг Ўзбекистон президенти Шавкат Мирзиëевга йўллаган мактуби матни жамоатчиликка эълон қилинди.

Дастлаб бир гуруҳ ижодкорлар томонидан президент порталига юборилган сўров очиқ мактубга айланганидан сўнг¸ бир неча кун ичида (12 февралга келиб — таҳр.) унга қўшилганлар сони 300 га яқинлашди.

Ëзувчи Нурулла Отахон (Nurulloh Muhammad Raufxon) ​нинг Facebook саҳифасига қўйилган очиқ мактубга Ҳалима Худойбердиева каби жорий президент томонидан алоҳида эътироф этилган таниқли ижодкорлар ҳам қўшилганини кўриш мумкин.

Ўзбек классик адабиëти асосчиси Алишер Навоий туғилган кунда Facebook да эълон қилинган бу мактуб муаллифлари президентдан замонавий ўзбек адабиëтининг «улуғ шоири» 69 яшар Муҳаммад Солиҳни ватанга қайтаришда кўмак сўради.

Ўзбекистон Ëзувчилар уюшмасининг собиқ 1-котиби¸ Горбачëв ошкоралиги даврида Ўзбекистондаги биринчи сиëсий ҳаракат – Бирлик халқ ҳаракати ва мамлакатдаги илк демократик партия – Эрк асосчиси¸ Ўзбекистон парламентининг собиқ депутати Муҳаммад Солиҳ 1992 йилдан бери муҳожиратда яшаб келмоқда.

Солиҳни ватанга қайтариш сўралган мактубга қўл қўйганлар рўйхатида Сталин даврида миллатчиликда айбланиб¸ 25 йиллик қамоққа ҳукм этилган кекса ëзувчи Шукрулло, Ўзбекистон Ëзувчилар союзининг собиқ раиси¸ Ўзбекистон халқ шоири Жамол Камол, ëзувчи Нурулла Отахон, Миразиз Аъзам¸ Маҳмуд Ражаб¸ Вафо Файзулло каби шоирлар¸ драматурглар Шароф Бошбеков ва Санжарали Имомов¸ адабиëтшунос олимлар Қозоқбой Йўлдош ва Иброҳим Ҳаққул каби ижодий зиëлилар номи бор.

Муаллифларнинг Озодликка айтишича¸ мактуб 2018 йил 23 январь куни электрон шаклда Ўзбекистон президентининг виртуал қабулхонасига жўнатилган ва унинг қабул қилиб олингани расман тасдиқланган.

“Муҳтарам Шавкат Миромонович!

Биз ижод аҳли бугун Сиз раҳбарлигингизда мамлакатимиз равнақи йўлида қилинаётган ҳар бир ишда ёнингиздамиз. Иқтисодий, ижтимоий ва маънавий соҳалардаги ижобий ўзгаришларни тўлиқ қўллаб-қувватлаймиз.

Айниқса, маънавий жабҳада адолат оёққа турғазилиб, бир қатор шоир-ёзувчи шаъни тиклангани адабиётимиз келажагига ишончимизни янада кучайтирди.

Эндиги оламшумул қарорларингиздан бири 25 йилдан бери юртидан узоқда қолаётган шоир Муҳаммад Солиҳ ҳақида бўлишини жуда-жуда истар эдик.

Кечаги тузум даврида орқадан юритилган тескари ташвиқот туфайли жамиятнинг бир қисми онгида Муҳаммад Солиҳ исмидан қўрқув шаклланиб қолди, лекин адабиёт аҳли уни улуғ бир шоир сифатида барибир унутгани йўқ¸” деб бошланган мактуб давомида Муҳаммад Солиҳнинг ўзбек адабиëтидаги хизматлари тилга олинади.

“Муҳаммад Солиҳ биринчи галда адабиётчидир, сўнгра сиёсатчидир. Сиёсатга у давр тақозоси билан, мустақиллик учун ҳаракатлар жараёнида фаол аралашган ва мамлакатимиз совет мустамлакасидан қутулиши йўлида жонбозлик кўрсатган¸” дейилади мактуб давомида” [6]

3. 9 ФЕВРАЛ: ПРЕЗИДЕНТ Ш.МИРЗИЁЕВГА ЮБОРИЛГАН МУРОЖААТ ХАТИНИНГ ТЎЛИҚ МАТНИ

Мурожаат матни ёзувчи Нурулла Отахон (Nurulloh Muhammad Raufxon) ​нинг Facebookдаги саҳифасига қўйилганини ўқиб унинг мактубини 2020 йил 12 январ куни изладим ва топа олмадим. Мен унга хат ёздим ва Мурожаат хати матнини менга жўнатиб юборишни илтимос қилдим. У шу куни қуйидаги жавоб хатини менга жўнатди.

“Ва алайкум ассалом. Соғ-саломатмисиз?

Саҳифамни қарадим. Мана, турган экан: https://www.facebook.com/nurulloh.muhammadraufxon/posts/751001571764765

Вложение недоступно

Вложение удалено, или пользователь, который поделился им, не имеет разрешения делиться им с вами. (ушбу рус тилидаги бегона икки сатр ахборот Фейсбук ходимлари изоҳи бўлса керак, у хат ичида келди, А.Ш.)

Кўринг-чи. Очилмаса, айтарсиз.

Лекин бу хат ташаббусчилари Маҳмуд Ражаб ва бошқалар эмас.

Икки аёл ижодкор ёзиб олдимга келди, менинг саҳифамда эълон этилишини илтимос қилишди. Хўп дедим. Таҳрир қилиб эълон этдим.

2018 йил 11 феврал куни такрор қўйилган экан. https://www.facebook.com/nurulloh.muhammadraufxon/posts/752135581651364”

Президент Шавкат Мирзиёевга юборилган Мурожаат мактуби тўлиқ матнини қуйида келтираяпман. Мурожаат охирида 2018 йил 11 февралга қадар имзо қўйган 455 киши рўйхати келтирилган. Мен улардан дастлабки 20 нафар киши исми шарифини келтирдим.

“Ўзбекистон Республикаси Президенти
Шавкат Миромонович Мирзиёевга

Муҳтарам Шавкат Миромонович!

Биз ижод аҳли бугун Сиз раҳбарлигингизда мамлакатимиз равнақи йўлида қилинаётган ҳар бир ишда ёнингиздамиз. Иқтисодий, ижтимоий ва маънавий соҳалардаги ижобий ўзгаришларни тўлиқ қўллаб-қувватлаймиз.

Айниқса, маънавий жабҳада адолат оёққа турғазилиб, бир қатор шоир-ёзувчи шаъни тиклангани адабиётимиз келажагига ишончимизни янада кучайтирди.

Эндиги оламшумул қарорларингиздан бири 25 йилдан бери юртидан узоқда қолаётган шоир Муҳаммад Солиҳ ҳақида бўлишини жуда-жуда истар эдик.

Муҳаммад Солиҳнинг Ватанга қайтарилиши Ўзбекистонимиз янги тарихига зеб бўлар, дунё жамоатчилиги ҳам бу ишни олқишлар эди.

Кечаги тузум даврида орқадан юритилган тескари ташвиқот туфайли жамиятнинг бир қисми онгида Муҳаммад Солиҳ исмидан қўрқув шаклланиб қолди, лекин адабиёт аҳли уни улуғ бир шоир сифатида барибир унутгани йўқ.

Муҳаммад Солиҳ биринчи галда адабиётчидир, сўнгра сиёсатчидир. Сиёсатга у давр тақозоси билан, мустақиллик учун ҳаракатлар жараёнида фаол аралашган ва мамлакатимиз совет мустамлакасидан қутулиши йўлида жонбозлик кўрсатган.

Шоир сифатида эса ўзбек адабиёти такомили ва ривожида улкан хизмат қилди. Шеъриятимизда тили, услуби, шакли ва руҳида янгилик яратди. Миллатга, Ватанга улкан муҳаббат билан ёзилган асарлари танбал ақл ва туйғуларни туртиб уйғотди. Ватанга севгисини юракларга юқтирди.

“Орзу фуқароси”, “Валфажр” , “Йўлнома”, “Олис табассум сояси”, “Тун ташбеҳлари”, “Бешинчи фасл”, “Қудуқдаги ой”, “Оқ кўйлаклар”, «Шаффоф уй», “Кўзи тийран дард” каби китоблари адабиётимиз хазинасидан муқим жой олган. Кўпи рус, инглиз, турк ва бошқа кўп тилларга ўгирилган. Ижоди ва сиёсий фаолияти ҳақида дунёда докторлик илмий ишлари ёзилган.

Ўзи ҳам етук таржимон сифатида Франс Кафка, Пол Элюар, Апполинер, Имант Зиедонис асарларини, фин ва турк шеърияти намуналарини ўзбек тилига маҳорат билан ўгирган. У таржима ва тасниф этган тўрт жилдли “Пайғамбарлар тарихи” китоби диний илмда ҳам муваффақиятларини кўрсатди.

Бугун ниҳоят ҳақ қарор топиб, адолат юзага чиқадиган кунлар келганини ҳис қиляпмиз. Бу ҳол бизда шоирни ўз Ватанига қайтариш мулоҳазасини уйғотди.

Тарихдан маълум, халқига қайишадиган ҳукмдорлар зиёли қатламнинг қадрига етган. Биз Сиздан 70 ёшни қоралаб қолган шоиримиз Муҳаммад Солиҳни юртга қайтаришда кўмагингизни сўраймиз. Бундан халқ ҳам, адабиёт ҳам ютади.

Эҳтиром ила:
1. Жамол КАМОЛ, Ўзбекистон халқ шоири.
2. ШУКРУЛЛО, Ўзбекистон халқ шоири.
3. Вафо ФАЙЗУЛЛО, шоир.
4. Нуруллоҳ МУҲАММАД РАУФХОН, ёзувчи.
5. Санжар НАЗАР, ношир.
6. Шароф БОШБЕКОВ, драматург.
7. Санжарали ИМОМОВ, драматург.
8. Қозоқбой ЙЎЛДОШ, адабиётшунос олим, профессор.
9. Миразиз АЪЗАМ, шоир.
10. Иброҳим ҲАҚҚУЛ, адабиётшунос олим, профессор.
11. Алишер НАЗАР, шоир, журналист.
12. Маҳмуд Ражаб, шоир, ёзувчи.
13. Гўзал БЕГИМ, шоира.
14. Муаззам ИБРОҲИМОВА, болалар шифокори, шоира.
15. Анвар Хусаинов, тадбиркор, Халкаро экология хавфсизлиги фанлар академияси аъзоси.
16. Ҳалима Худойбердиева, Ўзбекистон халқ шоири.
17. Набижон Боқий, ёзувчи.
18. Фароғат Камол, шоира.
19. Одил Икром, шоир ва таржимон. Тошкент.
20. Эврил Турон (Мамадали Маҳмудов), адиб.

21. … Жами 455 киши имзо чеккан» [7]

Эътибор берсангиз, ушбу рўйхатда менинг имзом йўқ. Маълумки, ўзбек мухолифати лидери бўлмиш Муҳаммад Солиҳ 1992 йилдан бери хорижда яшамоқда. Шу давр мобайнида унга бир неча марта суиқасд уюштиришга ҳаракат қилишди. Ҳатто унинг Туркиядаги уйи бир неча йил олдин автоматдан ўққа тутилди. Агар у Ўзбекистонга қайтар бўлса уни отиб ташлашлари ёки заҳарлашлари турган гап. Муҳаммад Солиҳ хавфсизлигига имзо қўйган 455 кишидан бирортаси кафолат бера олмайди. Шу сабабли мен ушбу Мурожаат мактубига 2018 йилда имзо чекмадим ва қуйидаги “Муҳаммад Солиҳниннг Ватанга қайтиши бироз эрта” номли [9]-мақоламда фикримни асослашга ҳаракат қилдим.

4. 11 ФЕВРАЛ: МУҲАММАД СОЛИҲНИНГ ВАТАНГА ҚАЙТИШИ БИРОЗ ЭРТА

Муҳаммад Солиҳиннг Ўзбекистонга қайтиши масаласида фикримни 2018 йил 11 феврал куни “Муҳаммад Солиҳнинг Ватанга қайтиши бироз эрта” номли [8]-мақоламда ёзгандим. Қуйида ўша мақоламни ва мақоламда келтирилган суратни чоп этдим.

“Шахсан фикримча, Муҳаммад Солиҳнинг Ватанга қайтиши бироз эрта. Ҳозирги Ўзбекистондаги ўтиш жараёнида президент Шавкат Мирзиёев мухолифат лидери бўлмиш Муҳаммад Солиҳга тўлиқсинча хавфсизлик имкониятини яратиб бера олмайди. Чунки Ўзбекистон Миллий хавфсизлика хизмати зобитларидан биронтаси ёки ёлланма қотиллар ёрдамида уни жуда қаттиқ калтаклашлари ва ҳатто ўлдириб юборишлари мумкин.

Менимча, Ўзбекистон қамоқларидаги мухолифат фаоллари умумий амнистия асосида озод қилингач, шунингдек бу вақт давомида «Миллий хавфсизлик хизмати тўғрисида» ги ЎзР қонуни қабул қилиниб, МХХ анчагина тозалангач Муҳаммад Солиҳ ва бошқа мухолифат фаоллари Ўзбекистонга қайтиши ва уларнинг хавфсизлигини таъминлаш имкони пайдо бўлади.

Биродарлар, унутмайлик, ўлдирилиши керак бўлганларнинг қора рўйхатига Муҳаммад Солиҳ номи биринчи қаторда киритилган.

Шу ерда тарихга ҳам эътибор берайлик. Доно халқимиз: «Бирини кўриб фикр қил, Бирини кўриб шукур қил» дейди.

1983 йил 21 август куни Индонезия мухолифати лидери Бенигно Акино (1932-1983) АҚШдан ватанга қайтишга қарор қилади. У Филиппин пойтахти Манило шаҳар аэропортида самолетдан тушаётганида Индонезия махсус хизмат ходими тарафидан отиб ўлдирилди. Қуйида ўша вазият тасвирланган фото бор.

Фото 2. Суратда Бенигно Акино ва уни ўлдирган махсус хизмат ходими жасадлари. (На фото трупы Бенигно Акино и его убийцы — сотрудника спецслужб)» [8], [9]

5. МАРТ: МУҲАММАД СОЛИҲ СУРАТИНИ УШЛАБ СУРАТГА ТУШГАН ТЎРТ КИШИ

Фото 3. Хоразмдаги уйда Муҳаммад Солиҳни суратини ушлаб суратга тушган 4 киши. Чапдан биринчи – Маҳмуд Ражаб. [10]

“Хоразмлик шоир Маҳмуд Ражаб ва яна уч нафар шахс 2018 йил 29 май куни вилоят прокуратурасига чақирилди. Махмуд Ражаб «Элтуз» мухбири билан суҳбатида, прокуратурага чақириқ сабабини Муҳаммад Солиҳни ватанга қайтариш ташаббуси ва унинг расмини ушлаб тушган суратларини фейсбукка қўйишлари билан боғлайди.

«Бобомурод озод этилган куни тўртталамиз Муҳаммад Солиҳ расмини ушлаб тушган суратимизни интернетга қўйгандик. Шунинг учун дарров сездик нима учун чақирилганимизни. Ойбек Султонов деган йигит бизни битта биттадан қабул қилди» дейди Маҳмуд Ражаб.

Прокуратурага телефон орқали чақирилганини айтган, Маҳмуд Ражаб шунингдек, икки соатдан ортиқ чўзилган суҳбат, кўпроқ жиноят иши терговига ўхшаганини билдиради” [10]

6. 22-25 МАРТ: МАҲМУД РАЖАБНИНГ ТУРКИЯГА САФАРИ

“Маҳмуд Ражаб “Европа Бирдамлик маркази” ташкилотининг таклифи билан 2019 йил 22-25 март кунлари Грузиянинг Тбилиси шаҳрида бўлиб ўтган халқаро семинарда иштирок этган.

Маҳмуд Ражабнинг айтишича, қайтиш билети Истанбул орқали бўлганлиги ва у ерда Тошкент учоғини кутиш учун ихтиёрида беш соат бўш вақти борлиги учун аэропортда муҳожиратда яшайдиган шоир ва “Эрк” демократик партияси лидери Муҳаммад Солиҳ билан учрашган:

— Хоразмдан Солиҳ акага укалари ўрик қоқи, олма қоқи каби совғалар бериб юборган эди. Аэропортда учрашиб, совғани топширдим. Укалари ва мухлислари Солиҳ аканинг китобларидан олиб келишни илтимос қилган эди. Чунки 2018 йил Солиҳ аканинг уйида меҳмон бўлиб, китобларидан олиб келган эдим. Шунинг учун шоир акамиз билан аввал боғланиб, йўлда уч-тўрт соат вақтим бор, шу китоблардан сўрашган эди, олиб кетсам майлими, деб сўраганимда майли, деган эди. Хуллас, Солиҳ аканинг шеърлари ва публицистикаси битилган ҳамма китобларидан, Муҳаммад Бекжоннинг китобидан, жами 26 та китоб олиб келдим.

Маҳмуд Ражабнинг сўзларига кўра, бу китобларни Тошкент аэропорти божхоначилари олиб қўйган:

— Бирга келган ҳамроҳларим ҳаммаси юкини олиб чиқиб кетди. Менинг юким ҳаммадан кейин чиқди. Божхоначилар кўригидан ўтаётганда, нима бор, деб сўрашди. Мен китоблар дедим. Очиб кўришиб, ие, бу Муҳаммад Солиҳнинг китоблари эканку деб, бошлиғини чақиришди. Ҳусан Бобониёзов деган бошлиғи келиб кўрди-да, бу китобларни олиб қоламиз, мумкин эмас, деди. Мен бу бадиий китоблар, укалари илтимос қилган, совға бу десам ҳам, божхона бошлиғи, бу китобларни диний идорага берамиз, балки ичида диний-экстремистик ғоялар бордир, ўшалар кўриб, хулоса беришади, мен барибир тушунмайман деб, олиб қолишди.

Журналист божхоначилар унинг мобил телефонини ҳам олиб қўйишганини айтади:

Маҳмуд Ражабнинг сўзларига кўра, шундан сўнг уни фуқаролик кийимидаги ва ўзини таништирмаган бир шахс сўроқ қилган.

— Менимча, 25-30 ёшлардаги бу йигит ДХХдан эди. У бу китобларнинг тақиқланганини биласиз, нега олиб келдингиз, деди. Мен, қани менга исботини беринг, ким ва қачон тақиқлабди, деб қарши савол берсам, индамай қолди. Ўзингизни таништиринг, кимсиз, қаерда ишлайсиз, десам, жаҳл билан менга ўгирилдида, менинг кимлигимни ҳали чақирганимда биласиз, деди. Кейин, китоблар ва телефоним олиб қўйилгани ҳақидаги баённомаларга имзо чекдим. Соат 7да учоғимиз қўнган бўлса, соат 11 яримда жавоб беришди» [11]

7. 10 МАЙ: МАҲМУД РАЖАБ УЙИ ТИНТУВ ҚИЛИНДИ

“(2019 йил) 10 май куни хавфсизлик ходимлари унинг уйини 2 соат давомида титкилаб, унга тегишли ноутбук, смартфон, Муҳаммад Солиҳнинг “Пайғамбарлар тарихи” китоби ва унинг марҳум умр йўлдоши Ойдин Солиҳнинг «Ҳақиқий тиббиёт» китобини олиб кетишганини айтди.

(Шу ерда Махмуд Ражаб берган 7 дақиқа 59 сониялик аудио интервю бор. А.Ш.)

Хоразм Ички ишлар бошқармаси Маҳмуд Ражаб уйида ўтказилган тинтув юзасидан Озодликка изоҳ бермади.

Журналистнинг ўзи бу ҳолатни икки ой олдин Туркиядан мухолифат етакчиси ва шоир Муҳаммад Солиҳнинг китобларини Ўзбекистонга олиб келгани билан боғлайди.

Шу (2019) йилнинг март ойида Маҳмуд Ражаб Тбилисидан Истанбул орқали шоир Муҳаммад Солиҳ асарларини олиб келаётганида Тошкент аэропортида тақиқланган адабиётлар сифатида китоблар олиб қўйилган эди” [12]

“Ана шу (2019 йил 26 март куни Тошкент аэропортида бўлган, А.Ш.) воқеадан уйига етиб борган Маҳмуд Ражаб 10 май кунига қадар мавҳумлик ичида қолганини айтади:

— 2019 йил 10 май куни уйимни ўзини таништирмаган орган ходимлари тинтув қилди. Мажбурий меҳнатга қарши халқаро Cotton campaign фаоли сифатида фермерлар билан суҳбатларим матни ëзилган қоғозларни варақа деб олиб кетишди. 2 соат давомида уйни титкилаб, ноутбук, смартфон, Муҳаммад Солиҳнинг “Пайғамбарлар тарихи” китоби ва унинг марҳум умр йўлдоши Ойдин Солиҳнинг «Ҳақиқий тиббиёт» китобини олиб кетишди» [11]

8. 14 МАЙ: МАҲМУД РАЖАБГА ҚАРШИ ЖИНОЯТ ИШИ ОЧИЛДИ

“Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси (2019 йил) 14 май куни шоир ва журналист, Маҳмуд Ражабга нисбатан жиноят иши Тергов департаменти раҳбарияти томонидан назоратга олинганини билдирди.

Билдирувда 2019 йилнинг 30 апрель куни “Тошкент-Аэро” ихтисослаштирилган божхона комплекси томонидан М. Раджаповга (Маҳмуд Ражаб) нисбатан Ўзбекистон Республикаси Жиноят кодексининг 246-моддаси 1-қисми (Контрабанда) билан жиноят иши қўзғатилгани айтилади.

Янгибозар туман ИИБ мулозимининг (2019 йил) 15 май куни Озодликка айтишича¸ жиноят иши бўйича дастлабки терговни Хоразм вилояти ИИБ ҳузуридаги Тергов бошқармаси олиб бормоқда.​

«Жиноят ишига, 2019 йилнинг 26 март куни “Тошкент” аэропортида кўздан кечирилган Маҳмуд Ражабнинг қора рангли сумкасидан чиққан 26 дона китоб, бир дона “Mi 5+” русумли уяли телефон аппарати ва ундаги ёзувлар сабаб бўлгани» ҳақида ëзади ИИВ бошқармаси.

Маълумотномада Маҳмуд Ражабнинг уйи тинтилгани ҳақида ҳам тафсилотлар бор:

«Тинтув давомида М.Раджаповнинг хонадонидан уяли телефон, ноутбук, дисклар, 3 дона Туркия давлатида чоп қилинган (шу жумладан, «Пайғамбарлар тарихи») диний мазмундаги китоблар ва бошқа ҳужжатлар ўрганиш учун олинган. Тинтув якунида гумон қилинувчи М.Раджапов баённомага имзо чекишдан бош тортган, бу ҳақда тинтув баённомасида кўрсатиб ўтилган» дейилади ҳужжатда” [14]

“Янгибозар туман ИИБ мулозимининг (2019 йил) 15 май куни Озодликка айтишича¸ Республика Бош прокуратурасининг 2019 йил 8 майдаги кўрсатмасига асосан жиноят иши бўйича дастлабки терговни Хоразм вилояти ИИБ ҳузуридаги Тергов бошқармаси олиб бормоқда.

— Маҳмуд Ражабнинг уйига чақирув қоғози жўнатилган. У17 май куни терговчи Йўлдошевнинг олдига сўроқ бериш учун чақиртирилган¸ дейди мулозим” [11]

9. 17 СЕНТЯБР: ЧАҚИРУВ ҚОҒОЗИ

2019 йил 17 майдан бошлаб ИИБ ходимлари ва терговчилар кейинги 4 ой давомида уни кўп марта чақиришиб роса безовта қилишган. Хоразм вилояти Ички ишлар бошқармаси (ИИБ) ҳузуридаги Тергов бошқармаси 2019 йил 17 сентябр куни Маҳмуд Ражабга навбатдаги чақирув қоғозини жўнатди [2].

Фото 4. Тергов бошқармаси 2019 йил 17 сентябр куни Маҳмуд Ражабга жўнатган навбатдаги чақирув қоғози. [2]

Менимча, Маҳмуд Ражаб Тергов бошқармасига 2019 йил 18 сентябр куни бормаган. Шу сабабли Маҳмуд Ражабни олиб кетиш учун 20 сентябрь куни милиция капитани Бекчанов бошчилигида Хоразм вилояти ИИБ ходимлари келишган.

“Муҳаммад Солиҳ асарларини Ўзбекистонга олиб кирганликда асоссиз айбланиб терговга тортилган Маҳмуд Ражабни олиб кетиш учун 20 сентябрь куни милиция капитани Бекчанов бошчилигида Хоразм вилояти ИИБ ходимлари келишган. Бироқ шоирнинг маҳалладошлари уни милиция олиб кетишига қаршилик кўрсатишган эди” [13]

Ана шу воқеалар ва тазйиқлардан кейин Маҳмуд Ражаб бир гуруҳ қариндошлари билан Хоразмдаги Гурлан туманидан Тошкентга адолат излаб пиёда боришга қарор қилади ва улар 2019 йил 22 сентябр куни ўз сафарларини бошлашади. Бу юриш давомида рўй берган воқеалар ва оқибатлари ҳақида “Нафосат Оллошкуровага қарши жазолаш психиатрияси ва уни ҳимоя тадбирларимиз” номли таҳлилий мақоламда ёзаман.

10. 18 ОКТЯБР: МАҲМУД РАЖАБГА ШАРТЛИ ЖАЗО БЕРИЛДИ

“2019 йил 18 октябрь, куннинг биринчи ярмида Жиноят ишлари бўйича Хоразм вилоят судида шоир ва блогер, 56 яшар Маҳмуд Ражаб устидан суд ҳукми ўқилди.

Бу маълумотни Озодлик судланган Маҳмуд Ражабнинг ўзидан олди.

Маҳмуд Ражабнинг билдиришича, у Ўзбекистон Республикаси Жиноят кодексининг 244- (Оммавий тартибсизликлар) ва 246- (Контрабанда) моддаларида назарда тутилган жиноятларни содир этганликда айбдор деб топилган ва 2 йилу 3 ойга шартли озодликдан маҳрум қилинди ва суд залидан озод қилинди.

Маҳмуд Ражабнинг ўз уйидан туриб билдиришича, у белгиланган шартли жазо муддати битгунига қадар Ўзбекистон Республикаси ҳудудини тарк эта олмайди.

Маҳмуд Ражаб ҳукм устидан апелляция аризаси киритмаслигини билдирди.

Шоир ва блогер Маҳмуд Ражаб устидан суд жараёнининг биринчи мажлиси 11 октябрда, иккинчи мажлиси эса, 17 октябрда бўлиб ўтгани хабар қилинган эди.

Судга уйидан қатнаган Маҳмуд Ражаб суд залидаги темир панжара ортида эмас, очиқда ўтирди.

Маҳмуд Ражабга нисбатан Ўзбекистон Республикаси Жиноят кодексининг 246-моддаси 1-қисми (Диний экстремизм, айирмачилик ва фундаментализмни тарғиб қилувчи материаллар контрабандаси) билан айблов илгари сурилган эди. Бу моддаларда 5 йилдан 10 йилгача қамоқ жазоси назарда тутилган” [14]

[16]-мақолада Маҳмуд Ражабга шартли жазо муддати 5 йил 6 ой белгилангани ҳақида ёзилган.

“Хорезмский областной суд по уголовным делам 18 октября (2019 года) приговорил журналиста и поэта Махмуда Раджапова, отправившегося с родственниками пешком на прием к министру внутренних дел в Ташкент, к условному сроку. Об этом «Газете.uz» сообщил официальный представитель Верховного суда Узбекистана Азиз Абидов.

Махмуд Раджапов (1963 г. р., временно безработный, ранее не судим) признан виновным в совершении преступлений, предусмотренных пунктом «г» части 3 статьи 244−1 (изготовление, хранение, распространение или демонстрация материалов, содержащих угрозу общественной безопасности и общественному порядку) и частью 1 статьи 246 (контрабанда) Уголовного кодекса

Суд назначил ему наказание в виде лишения свободы на 5 лет и 6 месяцев. Назначенное наказание признано условным, и журналисту установлен испытательный срок в 2 года 6 месяцев» [15]

Буни ўзбек тилига мен ўгирдим.

«Жиноят ишлари бўйича Хоразм вилоят суди (2019 йил) 18 октябр куни қариндошлари билан Тошкентга Ички ишлар вазирлиги қабулига пиёда бораётган журналист ва шоир Маҳмуд Ражабовга шартли жазога ҳукм қилди. Бу ҳақда «Газете.uz»га Ўзбекистон Олий судининг расмий вакили Азиз Обидов хабар берди.

Маҳмуд Ражабов (1963 йилда туғилган, вақтинча ишсиз, илгари судланмаган) Жиноят кодексининг 246-моддаси 1-қисми г-банди (жамоат хавфсизлиги ва жамоат тартибига хавф солувчи материалларни тайёрлаш, сақлаш, тарқатиш ёки намойиш этиш) ва 246-модданинг 1-қисми (контрабанда (диний экстремизм, айирмачилик ва фундаментализмни тарғиб қилувчи материаллар контрабандаси, А.Ш.))да назарда тутилган жиноятлар содир этишда айбли деб топди.

Суд уни 5 йил 6 ойга озодликдан маҳрум этиш кўринишдаги жазо белгилади. Белгиланган жазо шартли деб инобатга олди, ва журналистга 2 йил 6 ой муддатга синов муддати белгилади.” [15]

11. АЙРИМ ХУЛОСАЛАР

Фуқаролик ва сиёсий эркинликлар тўғрисида халқаро пактнинг 19-моддасида қуйидагича ёзилган.

“1. Ҳар бир инсон ҳеч бир тўсиқсиз ўз фикрига собит бўлиш ҳуқуқига эга.

2. Ҳар бир инсон ўз фикрини эркин баён этиш ҳуқуқига эга; бу ҳуқуқ давлат чегараларидан қатъи назар ёзма равишда ёки матбуот орқали ёки ифодалашнинг бадиий шакллари ёки ўз ихтиёрига кўра бошқача усулларда турли ахборот ва ғояларни қидириш, олиш ва тарқатиш эркинлигини қамраб олади.

3. Ушбу модданинг 2-бандида назарда тутилган ҳуқуқлардан фойдаланиш алоҳида мажбуриятлар ва алоҳида масъулият юклайди. Бу тарзда фойдаланиш айрим чеклашлар билан боғлиқ бўлиши мумкин, лекин бу чеклашлар қонун билан белгиланиши ва қуйидагилар учун зарур бўлиши лозим:

a) бошқа шахсларнинг ҳуқуқлари ва обрў-эътиборини ҳурмат қилиш учун;

b) давлат хавфсизлигини, жамоат тартибини, аҳоли саломатлиги ёки маънавиятини муҳофаза этиш учун” [16]

Ўзбекистон раҳбарияти ҳам имзолаган Фуқаролик ва сиёсий эркинликлар тўғрисида халқаро пактнинг 19-моддасига асосан Маҳмуд Ражаб Туркиядан олиб келган 26 та китоб турли ахборот ва ғояларни қидириш, олиш ва тарқатиш эркинлигига киради. Шу сабабли йиллар ўтиб Ватанимизда демократия асосидаги давлат бошқаруви ўрнатилгач бу адолатсиз суд ҳукми қайта кўрилади ва бекор қилинади, иншааллоҳ.

ФОЙДАЛАНИЛГАН АДАБИЁТЛАР

1. МАҲМУД РАЖАБ. Шеърлар. — http://kh-davron.uz/kutubxona/uzbek/mahmud-rajab-sherlar.html (www.kh-davron.uz 2017.13.03)

2. ЮЛДАШЕВ У. Чақирув қоғози. — https://www.facebook.com/photo.php?fbid=509872953143671&set=a.182340805896889&type=3&theater (www.facebook.com/photo Маҳмуд Ражабнинг Фейсбукдаги саҳифаси, 2019.18.09)

3. Сурат Икрамов: О возвращении на родину лидера оппозиции (Сурат Икромов: Мухолифат лидерини ватанга қайтариш ҳақида). — https://uzxalqharakati.com/ru/archives/20450 (www.uzxalqharakati.com/ru/ 30.12.2017)

4. Сурат Икромовнинг Би-Би-Си радиосига берган интервьюси. — http://uzxalqharakati.com/archives/49988 (www.uzxalqharakati.com 2017.30.12)

5. Бир гуруҳ ўзбеклар президентдан Муҳаммад Солиҳни юртга қайтаришни сўрашди. — https://eltuz.com/dokument/202484/ (www.eltuz.com 2018.26.01)

6. Таниқли зиëлилар Мирзиëевга Муҳаммад Солиҳни ватанга қайтаришни сўраб мурожаат қилди. — https://www.ozodlik.org/a/muhammad-solih-shavkat-mirziyoyev-rustam-inoyatov/29029547.html (www.ozodlik.org/a/ 2018.09.02)

7. НУРУЛЛОҲ МУҲАММАД РАУФХОН. Имзога қўшилганлар рўйхатга киритилди. — https://www.facebook.com/nurulloh.muhammadraufxon/posts/752135581651364 (www.facebook.com 2018.11.02)

8. АҲМАДЖОНОВ Ш. Муҳаммад Солиҳнинг Ватанга қайтиши бироз эрта. — https://www.facebook.com/profile.php?id=100002930964631 (www.facebook.com Фейсбукдаги “Шухратжон Ахмаджонов” саҳифаси, 2018.11.02);

https://www.facebook.com/photo.php?fbid=1667641960010153&set=a.708596052581420&type=3&theater (www.facebook.com Фейсбукдаги «Реформы Ш.М.Мирзиёева в Узбекистане. Проблемы и их решения» гуруҳи саҳифаси, 2018.11.02).

9. Акино, Бенигно (младший) (1932-1983) — https://ru.wikipedia.org/…/%D0%90%D0%BA%D0%B8%D0%BD%D0%BE,_… (www.ru.wikipedia.org/wiki/ Материал из Википедии — свободной энциклопедии).

10. Муҳаммад Солиҳ расмини ушлаб суратга тушганлар прокуратурага чақирилди. — https://www.facebook.com/eltuzcom/posts/2045292259125642/ (www.facebook.com/eltuzcom/ http://www.eltuz.com

сайтининг Фейсбукдаги саҳифаси, 2018.30.05)

11. ШУҲРАТ БОБОЖОН. Маҳмуд Ражаб: Устимдан жиноий иш очилганини Интернетдан билдим. — https://www.ozodlik.org/a/mahmud-rajab-tergov-/29942249.html (www.ozodlik.org/a/ 2019.15.05)

12. ҲУРМАТ БОБОЖОН. Хоразмда журналист уйи тинтув қилинди, Муҳаммад Солиҳ китоблари олиб кетилди. — https://www.ozodlik.org/a/ozbekiston/29934989.html (www.ozodlik.org/a/ 2019.11.05)

13. Тошкентга юриш қатнашчилари автобусга босиб олиб кетилди. — https://eltuz.com/video/211420/ (www.eltuz.com/video/ Қудрат Бобожоннинг http://www.eltuz.com сайти, 2019.23.09)

14. Ўзбекистон: Блогер Шабнам Оллошкурова мажбуран руҳий шифохонага ётқизилди. — https://www.bbc.com/uzbek/uzbekistan-49934734?fbclid=IwAR2-l0iYdR-6GtmQlKPuLLu_dqS7WHkDINqQonBRLxXqF8ZQPKX98gn0blU (www.bbc.com/uzbek/ 2019.04.10)

15. Журналист Махмуд Раджапов получил условный срок (Журналист Махмуд Ражапов шартли жазо олди). — https://www.gazeta.uz/ru/2019/10/21/rajapov/ (www.gazeta.uz/ru/ 21.10.2019)

16. Фуқаролик ва сиёсий эркинликлар тўғрисида халқаро пакт. — http://taraqqiyot.uz/fuarolik-va-siyosiy-uular-t2 (www.taraqqiyot.uz “Тараққиёт” номли Минтақавий тадқиқотлар маркази сайти).

E-mail: jiz54@mail.ru

2020 йил 22 январ

АҚШ, Вашингтон шаҳри


Шухратжон Ахмаджонов